དཔེ་གཞི་སྣ་ཚོགས།

ཡིག་བཟོ Wordདང་། རྩིས་མཉེན Excel ད་དུང་གཤམ་སྟོན་མཉེན་ཆས་Powerpoint སོགས་ཀྱི་དཔེ་གཞི་ Template སྣ་ཚོགས་བཟོས་ནས་རིན་མེད་ཐོག་ཕབ་ལེན་བྱེད་ཆོག གཤམ་དུ་རྩིས་མཉེན་གྱི་དཔེ་མཚོན་དཔེ་གཞི་ཞིག་བཞག་ཡོད་པས་རྣམ་པ་ལྷན་རྒྱས་ནས་ཚོད་ལྟ་གནང་ནས་ལེགས་སྤེལ་ཉེས་འགོག་གི་དགོངས་མཆར་དང་། མངོན་འདོད་དང་རེ་སྐུལ་རོགས་གང་ཡོད་མཆན་ནང་བཀོད་རོགས། འདིར་གནོན་ནས་(རྩིས་ཁྲ་མདོར་བསྡུས་ཤིག)ཕབ་ལེན་གནང་རོགས །

མཁས་དབང་བེ་རི་དགེ་བཤེས་འཇིགས་མེད་དབང་རྒྱལ་གྱི་ལོ་རྒྱུས་སྙིང་བསྡུས།

1979 ལོར་སྐུ་འཁྲུངས། སློབ་སྦྱོངས་ཇི་བྱས། 2004 ལོར་རྒྱ་གར་ལྷོ་ཕྱོགས་གདན་ས་འབྲས་སྤུངས་དགོན་པར་གཞུང་ལུགས་རབ་བྱམས་སྨྲ་བའི་དགེ་བཤེས་དམ་བཅའ་བཞག 1989 ལོར་རྒྱ་གར་སླེབས་ནས་འབྲས་སྤུངས་སུ་ཞུགས། ཕོགས་མེད་ཞབས་ཞུ། 1997-2015 འབྲས་སྤུངས་སུ་གཞུང་ཆེན་པོ་ལ་སློབ་གཉེར་བྱེད་ཞོར་དུ། གངས་སུལ་གྱི་རོལ་དབྱངས་ཞེས་པའི་དུས་དེབ་ཀྱི་སློབ་སྟོན་པ་བྱས། 2001-2010 ལྡི་ལི་བོད་ཁང་ཟ་མ་ཏོག་དུས་དེབ་ཀྱི་རྩོམ་སྒྲིག་ཚོགས་མི་བྱས། 1996-2003 དུས་དེབ་བློ་གསལ་རྩོམ་སྒྲིག་ཁང་གི་རྩོམ་སྒྲིག་འགན་འཛིན་བྱས། 1993-1995 འབྲས་སྤུངས་བློ་གླིང་གཙུག་ལག་དཔེ་སྐྲུན་ཁང་གི་ཞུ་དག་པ་བྱས། འཚོ་ཐབས་ལས་རིགས། 2014 ནས་ད་ལྟ་ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་གི་དགེ་རྒན་དང་། རྩོམ་རིག་སྡེ་ཚན་འགན་འཛིན་གྱི་ལས་ཀ་བྱེད་བཞིན་པ་ཡིན། 2010-2014 ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་གིས་གདན་ཞུའི་བོད་ཀྱི་རྩོམ་རིག་ལོ་རྒྱུས་ཉམས་ཞིབ་པ་བྱས། 2004-2011 བཙན་བྱོལ་བོད་མི་མང་སྤྱི་འཐུས་སྐབས་བཅུ་གཉིས་དང་བཅུ་གསུམ་པའི་དགེ་ལུགས་སྤྱི་འཐུས་བྱས། 2010 ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་གི་དགེ་འོས་ B.ed དགེ་རྒན་བྱས། 2005-2010 ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་ྋགོང་ས་མཆོག་གི་མཛད་རྣམ་རྩོམ་སྒྲིག་ཚོགས་མི་བྱས། 2005-2010...

དུས་རབས་ཉེར་གཅིག་པའི་ནང་པ།

དུས་རབས་ཉེར་གཅིག་པའི་ནང་པ།  ༄༅། །དུས་རབས་ཉེར་གཅིག་པའི་ནང་པ་ཟེར་བ་དེ། དེང་དུས་ཀྱི་ཤེས་ཡོན་ཡོད་པ་དང༌། དེང་དུས་ཀྱི་ཤེས་ཡོན་དེ་དག་ཆ་ཚང་བེད་སྤྱོད་བྱས་པའི་ཐོག་ལ་ནང་པ་སངས་རྒྱས་པའི་ཆོས་དེ་གང་འདྲ་ཞིག་ཡིན་པ་དེར་བརྟག་དཔྱད་བྱས། བསམ་བློ་བཏང༌། མྱོང་བ་ལ་བསྐོར་བའི་ཐོག་ཤེས་ནས་དད་པ་ཐོབ་པ་དེ་འདྲ་ཞིག་བྱུང་ན་དུས་རབས་ཉི་ཤུ་རྩ་གཅིག་པའི་ནང་པ་རེད།   ང་ཚོའི་མང་ཚོགས་ཀྱིས་ཤེས་ཡོན་བསླབ་དགོས་པ་དང༌། དེང་དུས་ཀྱི་སློབ་སྦྱོང་བསླབས་ནས་ཤེས་ཡོན་ཅན་བྱེད་དགོས་ཞེས་བརྗོད་པ་ལྟར། ཆོས་དེ་ཡང་ཤེས་ཡོན་ཅན་གྱི་ནང་པ་ཞིག་བྱེད་དགོས་པ་ལས། ཤེས་ཡོན་མེད་པའི་ནང་པ་བྱས་ན་རྗེས་ལུས་རེད། ཚང་མས་ཨུ་ཚུགས་བརྒྱབ་རྩོལ་བ་བྱས་ཏེ་ཆོས་རབ་ཏུ་རྣམ་འབྱེད་ཀྱི་ཤེས་རབ་ཀྱིས་དྲངས་པའི་དད་པ་ཞིག་དང༌། ཆོས་རབ་ཏུ་རྣམ་འབྱེད་ཀྱི་ཤེས་རབ་ཀྱིས་དྲངས་པའི་སྙིང་རྗེ། དེ་འདྲའི་ནང་པ་བྱེད་དགོས་པ་དེ་གལ་ཆེན་པོ་རེད།། འབྱུང་ཁུངས། རྒྱལ་བའི་དྲ་ཚིགས།

བོད་ཀྱི་སྐད་ཡིག་རྒྱུན་འཛིན།

བོད་ཀྱི་སྐད་ཡིག་རྒྱུན་འཛིན།    ༄༅། །ང་ཚོའི་བསམ་བློ་གཏོང་སྟངས་དང་། སྤྱོད་ལམ། སྐད་ཡིག་སོགས་གང་ཅི་མི་རིགས་གཞན་དང་མི་འདྲ་བར་ཟུར་གསལ་འབུར་ཐོན་དུ་ཡོད། བོད་ཀྱི་སྐད་ཡིག་གིས་མཚོན་པའི་མི་རིགས་ཀྱི་རྣམ་པ་གསལ་པོར་ཕྱེ་ཐུབ་པའི་ཆ་རྐྱེན་འདི་རིགས་ལ་རང་རེས་གཅེས་སྤྲས་དང་།

འབར་གས་ཆེན་མོ་དང་། ཐོག་མེད་ཀྱི་ནང་པའི་འཇིག་རྟེན།

༄༅། །དྭངས་པའི་མཚན་མོ་ཞིག་ལ་གྲངས་ལས་འདས་པའི་སྐར་ཚོགས་ཀྱིས་འོད་འཚེར་འཚེར་བྱེད་པའི་ནམ་མཁའ་ལ་བལྟས་ནས་ཡ་མཚར་བའི་ཚོར་འདུ་ཞིག་སྐྱེས་མ་མྱོང་མཁན་སུ་ཞིག་མཆིས། འཇིག་རྟེན་འདི་ལ་སྟངས་འཛིན་བྱེད་པའི་བློ་ལྡན་ཞིག་ཡོད་མེད་ལ་བསམ་བློ་བཏང་མ་མྱོང་མཁན་སུ་ཞིག་ཡོད། ང་ཚོ་སུས་འཛམ་གླིང་འདི་སྲོག་ལྡན་རྣམས་འཚོ་ཐུབ་པའི་རྒྱུ་སྐར་གཅིག་པུ་དེ་ཡིན་ནམ་ཞེས་རང་ཉིད་ལ་དྲིས་མ་མྱོང༌། ང་རང་གི་བསམ་པར་དྲི་བ་འདི་དག་ནི་འགྲོ་བ་མིའི་སེམས་ལ་རང་བཞིན་གྱིས་འཆར་བ་ཞིག་རེད། འགྲོ་བ་མིའི་དཔལ་ཡོན་གྱི་ལོ་རྒྱུས་འགོ་ཚུགས་པ་ནས་བཟུང་དྲི་བ་འདི་དག་ལ་ལན་འཚོལ་བའི་ལྷན་སྐྱེས་ཀྱི་འདུན་པ་ངེས་ཅན་ཞིག་འཆར་ཅན་དུ་མཆིས། དེང་རབས་ཚན་རིག་གི་འབྲས་བུ་རླབས་ཆེན་ཞིག་ནི་འཇིག་རྟེན་གྱི་ཐོག་མའི་འབྱུང་རྐྱེན་དང༌། རྙོག་འཛིང་ཆེ་བའི་དེའི་བརྒྱུད་རིམ་སོགས་རྟོགས་པར་ང་ཚོ་སྔར་ལས་ཐག་ཉེ་རུ་བཏང་བ་འདི་ཡིན།

ཁོར་ཡུག

༄༅། །དེང་སང་འཛམ་གླིང་ཐོག་སྲོག་ལྡན་ཀུན་གྱི་འཚོ་བའི་རྟེན་གཞིར་གྱུར་བའི་ཁོར་ཡུག་གི་གནས་སྟངས་ཉམས་རྒུད་ཇེ་ཆེར་འགྲོ་བཞིན་པའི་སྐབས་འདིར།  རང་ཅག་སྐྱེ་འགྲོ་ཚང་མས་རང་ནུས་ལ་དཔག་པའི་སྣོད་བཅུད་ཉམས་པ་སོར་ཆུད་དང་། མི་ཉམས་གོང་འཕེལ་ཡོང་བའི་ཐབས་ཚུལ་ལ་དུས་དང་རྣམ་པ་ཀུན་ཏུ་འབད་བརྩོན་བྱེད་གལ་ཤིན་ཏུ་ཆེ་བ་ཡིན།  ཁོར་ཡུག་སྐྱོན་མེད་གཙང་མར་གནས་པའི་དགེ་མཚན་ནི། དཔེར་ན། ཆུང་ས་ནས་བཤད་ན། ལྗོན་ཤིང་བཟང་པོས་རླུང་ཁམས་གཙང་མར་གནས་པར་བྱེད་ཅིང་། དེས་སྐྱེ་བོའི་སྲོག་རླུང་གཏོང་ལེན་ལ་རམ་འདེགས་བྱས་ཏེ་འབྱུང་ཁམས་ཆ་སྙོམས་ལ་གནས་པ་དང་ཚེ་བསྲེངས་བར་བྱེད་པ་ཡིན།  དེ་བཞིན་གྲིབ་བསིལ་སྣུམ་པོ་ངལ་གསོ་བའི་གནས་སུ་གྱུར་པ་དང་།  ལྷག་པར་རྩི་ཤིང་བསྐྱེད་བསྲིང་ལེགས་པོ་བྱུང་ན་ཆར་ཆུ་དུས་སུ་འབེབས་ཤིང་།  ལོ་ཕྱུགས་ལེགས་པ་དང་། ཚ་གྲང་སྙོམ་པ། ཡུལ་ཁམས་བལྟ་ན་སྡུག་པའི་མཛེས་ཉམས་ལྡན་པ། ཉམས་དགའ་བའི་གནས་དེར་ཕྱིའི་ལྗོངས་རྒྱུ་བ་དག་ཀྱང་རྒྱུན་མི་འཆད་དུ་ཡོང་ནས་བདེ་སྐྱིད་ཀྱི་ཚོར་བ་སྤྲོད་པ་དང་ཤེས་རིག་འཕེལ་རྒྱས། དཔལ་འབྱོར་འདུ་འགོད་སོགས་ངང་གིས་འཕེལ་རྒྱས་ཡོང་བ་ཡིན། ལྷག་དོན་འབྲས་བུ་ཅན་གྱི་ཤིང་སྣང་འགྲོ་བ་མིའི་རིགས་གཙོ་བོར་གྱུར་པའི་སེམས་ཅན་མང་པོ་ལ་འཚོ་བཅུད་སྦྱིན་ཞིང་། དེ་ལ་བརྟེན་ནས་ལུས་སྟོབས་རྒྱས་པ། ཟས་ཀྱི་དང་ག་འབྱེད་པ་སོགས་ཕན་ནུས་ཆེན་པོ་ཡོད།   མེ་ཏོག་ལ་ཆ་མཚོན་ན་ཡང་།  རང་ཉིད་གང་དུ་གནས་པའི་ཁོར་ཡུག་ཏུ་ཁ་དོག་རྣམ་པར་བཀྲ་བའི་མེ་ཏོག་སྣ་ཚོགས་བཞད་དེ་ཡོད་ན་ཡིད་བག་ཕེབས་ཤིང་བདེ་བའི་འཚོ་བ་སྟེར་བ་དང་། ལྷག་པར་རླུང་ནད་ཅན་དང་། སེམས་ཁམས་མི་བདེ་བའི་རིགས་ལྡུམ་རིའི་ནང་དུ་འཆམ་འཆམ་དུ་བསྐྱོད་དེ་རེ་ཞིག་བག་ཡངས་ཀྱིས་བསྡད་ན། སེམས་ངལ་གསོས་ཤིང་ཡིད་ལ་བདེ་བ་སྟེར་བའི་ཁྱད་ནུས་ཡོད། ཆོས་པ་ཞིག་ཡིན་ན་ཡིད་འོང་རང་བྱུང་གི་དངོས་ཁམས་རྣམས་མཐོང་བ་ན་དམིགས་པ་དང་བཅས་ཏེ་མཆོག་གསུམ་ལ་མཆོད་པའི་ཚུལ་དུ་ཕུལ་བ་ཡིན། དེས་བསོད་ནམས་ཀྱི་ཚོགས་རླབས་ཆེ་བདེ་བླག་ཏུ་གསོག་ཐུབ་པའི་ཕན་ཡོན་ཡོད། ཆོས་ཕྱོགས་ནས་བཤད་ན། སྟོན་པ་བཅོམ་ལྡན་འདས་ལྗོན་པའི་དྲུང་དུ་སྐུ་བལྟམས་པ་དང་། ལྗོན་པའི་དྲུང་དུ་བྱུང་ཆུབ་བརྙེས་པ། མཐར་ལྗོན་པའི་དྲུང་དུ་སྐུ་མྱ་ངན་ལས་འདས་པ་བཅས་ཀྱི་གནས་ཚུལ་ཡོད་པ་དང་། ལྷག་པར་དམ་ཆོས་འདུལ་བའི་ནང་དགེ་སློང་རྣམས་ལ་ལྗོན་ཤིང་འདེབས་བསྲིང་གི་ཚུལ་གདམས་པ་སོགས་ལ་ལྗོན་ཤིང་འདེབས་ལས་ནི་དགེ་བའི་ལས་སུ་འཁྱེར་ནུས་པའི་ཆ་རྐྱེན་ལྡན་ཡོད་པ་རྟོགས་ནུས། ཁོར་ཡུག་སྦག་བཙོག་གི་ཉེས་པ་ནི།  མཚོ་དང་མཚེའུ་ཡི་དྭགས་བསིལ་གྱི་ཡོན་ཏན་ཉམས་ཤིང་། ...

སྙིང་རྗེ་ནི་འཛམ་གླིང་ཞི་བདེའི་ཀ་བ་ལྟ་བུ་ཡིན།

སྙིང་རྗེ་ནི་འཛམ་གླིང་ཞི་བདེའི་ཀ་བ་ལྟ་བུ་ཡིན། ནང་པ་སངས་རྒྱས་པའི་སེམས་ཁམས་རིག་པ་གཞིར་བཞག་བྱས་ན། རང་རེའི་དཀའ་རྙོག་མང་ཆེ་བ་ནི། ང་ཚོས་འཁྲུལ་ཤེས་ཀྱིས་དངོས་པོ་ཐམས་ཅད་རྟག་པ་བདེན་གྲུབ་ཏུ་བཟུང་སྟེ་ཆགས་ཞེན་ཤུགས་ཆེ་དང༌།འདོད་རྔམས་དྲག་པོ་བྱས་པ་ལས་བྱུང་བ་ཡིན། རང་རེས་ཆགས་ཞེན་དང༌། འདོད་རྔམས་ཀྱི་བསྒྲུབ་བྱ་དོན་ལ་འཁྱོལ་བའི་ཆེད་དུ། དགྲ་གཤེད་དང་འགྲན་སེམས་ཀྱི་གནས་སྟངས་འཛིན་པ་དེ་ནུས་ལྡན་གྱི་བྱ་ཐབས་ངོ་མ་ཡིན་པ་ལྟ་བུས་བསམ་བློའི་འཆར་སྒོ་བྱ་སྤྱོད་ཐོག་བདེ་བླག་ཏུ་བསྒྱུར་ཏེ་འཁྲུག་རྩོད་འཕེལ་རྒྱས་གཏོང་བ་དེ་མངོན་གསལ་ཅན་གྱི་ནུས་ཤུགས་དངོས་ཐོག་བྱུང་བ་ཞིག་རེད། བསམ་སྤྱོད་ཀྱི་རིམ་པ་འདི་དག་ནི། གདོད་མ་ཉིད་ནས་འགྲོ་བ་མིའི་སེམས་སུ་ཡོད་བཞིན་པ་དེ་ལྟར་ཡང༌། དེང་རབས་ཀྱི་གནས་སྟངས་ཐོག་དེ་དག་ལག་ལེན་བསྟར་ཕྱོགས་ཀྱི་ནུས་ཤུགས་སྔར་ལས་ཆེ་བར་གྱུར་ཡོད། རང་རེས་འདོད་ཆགས་དང༌། ཞེ་སྡང༌། གཏི་མུག་ཅེས་པའི་དུག་རིགས་འདི་དག་བཀག་སྡོམ་དང༌། ཚོད་འཛིན་ཇི་ལྟར་བྱེད་ཐུབ་བམ། གང་ལགས་ཤེ་ན། འཛམ་གླིང་འདི་ནང་གི་དཀའ་རྙོག་རེ་རེའི་རྒྱབ་ཏུ་དུག་རིགས་འདི་དག་ཅི་རིགས་ཤིག་ཡོད་པར་སྣང༌། ཁོ་བོ་རང་ཉིད་ནང་པ་སངས་རྒྱས་པའི་ཐེག་པ་ཆེན་པོའི་ཆོས་ལུགས་ནང་འཚར་ལོངས་བྱས་པ་ཞིག་ཡིན་པའི་ཆ་ནས་བྱམས་པ་དང༌། སྙིང་རྗེ་ནི་འཛམ་གླིང་ཞི་བདེ་དང་ཡ་རབས་སྤྱོད་བཟང་གི་རྒྱུ་དང་སྤུན་ལྟ་བུ་ཡིན་པར་བསམ། སྔོན་ལ་ངོས་ཀྱིས་སྙིང་རྗེ་ཞེས་པའི་གོ་དོན་གསལ་ཙམ་ཞིག་བརྗོད་རྒྱུར། སྐྱེ་བོ་གང་ཞིག་གིས་ཤིན་ཏུ་དབུལ་ཞིང་ཕོངས་པའི་མི་ཞིག་ལ་ཡ་ང་བ་དང༌། སྙིང་རྗེ་སྐྱེ་བའི་སྐབས་སུ། གང་གིས་དབུལ་ཕོངས་དེ་ལ་གདུང་སེམས་མཉམ་སྐྱེད་ཀྱི་རྣམ་འགྱུར་འདོན་གྱི་ཡོད་ཅིང༌། དེ་ནི་སྙིང་རྗེ་སྐྱེ་ཡུལ་ཕོ་མོ་གང་ཡང་རུང་བ་དེ་དབུལ་ཕོངས་ཡིན་པའི་རྒྱུ་མཚན་ལ་བརྟེན་ནས་བྱུང་བ་ཡིན། དེ་བས་ན་སྐྱེ་བོ་དེའི་སྙིང་རྗེ་དེ་ནི་གཞན་ཕན་སེམས་ཁུར་གྱི་གཞི་རྩར་བརྟེན་པ་ཞིག་ཡིན། ཕྱོགས་གཞན་ཞིག་གི་ཆ་ནས། རང་གི་ཆུང་མའམ། ཁྱོ་བོ། བུ་ཕྲུག ཡང་ན་ཉེ་བའི་མཛའ་གྲོགས་བཅས་ལ་བརྩེ་སེམས་སྐྱེ་བ་ནི་ཆགས་ཞེན་གྱི་གཞི་ལས་བྱུང་བ་ཡིན། གང་གི་ཆགས་ཞེན་དེ་ལ་འགྱུར་བ་འགྲོ་སྐབས་སུ་དེའི་བྱམས་སེམས་ལའང་འགྱུར་བ་འགྲོ་བ་མ་ཟད། བྱམས་སེམས་དེ་ཉམས་བརླག་ཏུ་འགྲོ་བའང་ཡོད་སྲིད། འདི་ནི་བརྩེ་སེམས་ངོ་མ་མ་ཡིན།...